تساؤلات...

واقف على الشاطيء...البحر ممتد أمامه إلى مالانهاية...
لحظات وتنساب الشمس لتلتحم مع نهاية الأفق..
إنه منظر الغروب...
يتطلع إلى الشمس ...يستمتع بهذه الروعة الكونية...
لكن...
أشياء أخرى تدور بداخله...
تساؤلات...ثائرة...
لماذا لم تكن تلك الشمس مكعبة بدلا من كرويتها؟؟...
لماذا لونها برتقالي ؟؟..
ولماذا اللون البرتقالي أصلا يدل على التوهج والحرارة؟؟...
لماذا لا يكون لون الشمس أزرق مثلا؟؟...
لماذا من الواجب أن تغيب الشمس؟؟...
لماذا؟؟
ولماذا؟؟..ولماذا؟؟..و..و..
ومع اختفاء آخر جزء من الشمس صار رأسه كقنبلة توشك أن تنفجر...
توقف عن التفكير للحظة...
تلفت حوله ليتأكد من أن أحدا لا يطلع على أفكاره...
أخرج أفكاره من رأسه..وكومها على شكل كتلة...
تأكد مرة أخرى أن أحدا لا يراه...
ثم رمي بها في البحر..
وانصرف...

نقلا عن مدونة أبو الفداء

اجمل رباعيات صلاح بك جاهين

عند تجولى بالانترنت وجدت تلك المجموعة من رباعيات صلاح بك جاهين فقررت ان انقلها الى هنا

خرج ابن ادم من العدم قلت :ياه رجع ابن ادم للعدم

قلت : ياه تراب بيحيا.....وحى بيصير تراب

الاصل هو الموت والا الحياه؟....وعجبى!!

********

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أناأخرس و لكن قلبي مليان كلام

....وعجبى!!!

********

يا باب يامقفول ... إمتي الدخول صبرت ياما و اللي يصبر ينول

دقيت سنين ...

و الرد يرجع لي : مين ؟

لو كنت عارف مين أنا كنت أقول...

وعجبي !!!

********

عجبتني كلمة من كلام الورق

النور شرق من بين حروفها و برق

حبيت أشيلها ف قلبي ..

قالت حرام ده أنا كل قلب دخلت فيه اتحرق..

.وعجبي !!!

********

ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحورأعدي بحر ألاقي غيره اتحفر...

وعجبي !!!

********

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي له يبودواك فرغ مني

.... و إيه العمل...وعجبي

!!!********

أعرف عيون هي الجمال و الحسن و اعرف عيون تاخد القلوب بالحضن

و عيون مخيفة و قاسية وعيون كتير وباحس فيهم كلهم بالحزن...

وعجبي !!!

********

إيش تطلبي يا نفس فوق كل ده حظك بيضحك و انتي متنكده

ردت قالت لي النفس : قول للبشرما يبصوليش بعيون حزينة كده...وعجبي !!!

*******

يا حزين يا قمقم تحت بحر الضياع حزين

أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع...وعجبي !!!

*******

في يوم صحيت شاعر براحة و صفاالهم زال و الحزن راح و اختفي

خدني العجب و سألت روحي سؤال انا مت ؟ و لا وصلت للفلسفة...وعجبي !!!

**********

ما حد في الدنيا واخد جزاتــــــــــــــــــه و لا حــــــــــــــــد بيفكر في غير لذاذاته ما تعرفيش يا حبيبتي

.. أنا و انتي مين؟إنتي عروس النيل ... و أنا النيل بذاته....وعجبى!!

كيف شفت قلبي و النبي يا طبيــــــــــــبه مد و مات و الا سامع له دبيـــــــــــــبقاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب....وعجبى!!

تسلم يا غصن الخوخ يا عود الحطـــــــــب بييجي الربيع .. تطلـــــــــــع زهورك عجب و انا ليه بيمضـــــــــــي ربيع وييجي ربيع و لسه برضك قلــــــــــــــــــبي حتة خشب....وعجبى!!

دخل الشتا وقفل البيبان ع البـــيوت وجعل شعاع الشمس خيط عنكبوت

وحاجات كتير بتموت في ليل الشــتا لكن حاجات أكتر بترفض تمــــــوت....وعجبى!!

ياللي انت بيتك قش مفروش بريش تقوي عليه الريح ..

يصبح ما فيش عجبي عليك حواليك مخالب كـــــبار و ما لكش غير منقار و قادر تعيش....وعجبى!!

سمعت نقطة ميه جوه المحيـــــــط بتقول لنقطه ما تنزليش في الغويط أخاف عليكي م الغرق .. قلـــــت أناده اللي يخاف م الوعد يبقي عبيط....وعجبى!!

افكار كثيرة

كثيرا ما اشعر بشعور غريب يلازمنى اننى عبارة عن عدة شخصيات مندمجة مع بعضها البعض

كثيرا من الاوقات اشعر بانى طيب جدا واوقات اخرى اشعر بانى شيطان

اشعر بانى رزين ..

وتارة

اشعر بانى متسرع جدا .....

حتى الان لم استطع ان اعرف ماهو هدفى المطلوب فى هذه الحياة ؟؟؟؟

يكاد التفكير الكثير يتعبنى ويسلب منى الطاقة ..

انا فعلا محتار ومش عارف ابتدى منين ؟؟؟

ربما يوما ما ساتمكن من معرفة هدفى الذى طالما بحثت عنه ولم اجده حتى الان ؟

تجربتى الاولى فى التدوين !!

بسم الله الرحمن الرحيم

هذه اول تجربة لى فى الكتابة .. وبالاخص فى التدوين

لقد قررت ان أدون اخيرا ..

لا اعلم حتى الان عما ساكتب .. ربما لأننى لم اخطط لذلك ولكنها خطوة جميلة ان أبدا فى التدوين وكتابة كل مايجول بخاطرى ..

اتمنى ان لا تكون هذه هى النهاية. :D
بالنسبة لاختيارى لاسم ادهم صبرى ..(رجل المستحيل )

اممممممم بصراحة مش عارف .
ربما شعور داخلى دفعنى لاختيار هذا الاسم

ع العموم انا عامل المدونة دى علشان لما احب اكتب اى حاجة ابقى اكتبها هنا